Innvandrarar si deltaking i norsk frivilligliv : Nye tal og metodiske utfordringar

Abstract

Å få gode data omkring innvandrarar og barn av innvandrarar si deltaking i norsk frivilligliv har synt seg å vere vanskeleg. Dette har også vore tilfelle i undersøkinga som ligg bak denne rapporten. Fordelingane i utvalet tyder på at vi har å gjere med det vi kan kalle eit ungt «eliteutval» av innvandrarbefolkninga – at det er ein overvekt av unge og høgt utdanna personar med lang butid i Noreg. Analysane syner at nivået av frivillig arbeid i dette «eliteutvalet» av personar med innvandrarbakgrunn frå Afrika, Asia og Aust-Europa er på nivå med det vi finn i befolkninga elles i Noreg. Men ifølge ei liknande undersøking gjennomført av SSB er nivået mykje lågare. Når det gjeld typar organisasjonar dette utvalet gjer frivillig arbeid for, så liknar det også noko på majoritetsbefolkninga, men skil seg også ut på nokre kategoriar, der mellom anna sosiale og humanitære organisasjonar, religiøse organisasjonar og politiske parti er meir populære. Analysane syner vidare ein samanheng mellom frivillig arbeid generelt og social kapital (tillit og mangfald i sosial nettverk) og mellom deltaking innvandrar/religiøse organisasjonar og mangfald i sosiale nettverk. For å kunne konkludere meir sikkert og på eit meir generelt grunnlag omkring personar med innvandrarbakgrunn si deltaking i norsk frivilligliv, er det behov for grundigare og meir ressurskrevjande undersøkingar som gjev betre svarprosent og har eit meir representativt utval.